Генералниот директор на Меѓународната организација за миграција ја повика Европската унија да прифати многу повеќе луѓе кои бараат азил од планираните 20.000.
– Квотата од 20.000 луѓе е за пофалба. Сепак, сметаме дека Европа треба да направи многу повеќе, изјави денеска Вилијам Лејси Суинг пред европратениците.
Над 80.000 мигранти се пристигнати до европскиот брег од почетокот на годината. Според податоци на МОМ, 1.820 мигранти загинале или се сметаат за исчезнати.
Се очекува утре Брисел да претстави план за прифаќање кандидати за азил од држави вон ЕУ и шема за подобар распоред на веќе пристигнатите во Европа имигранти.