Индискиот премиер Нарендра Моди објави пакет од 20 трилиони рупии (266 милијарди американски долари; околу 250 милијарди евра) за да се ублажат штетите направени врз економијата од новиот коронавирус и карантинот.
Во наредните денови, министерката за финансии Нирмала Ситараман ќе објави дополнителни детали за пакетот, што е околу 10 проценти од БДП на Индија, нагласи Моди.
– Овој план за ревитализација е наменет за … занаетчии, мали и средни претпријатија. Тоа е за работници и земјоделци кои работат деноноќно и за средната класа, кои ги плаќаат чесно своите даноци, рече тој во телевизиското обраќање.