Најмалку 11 лица загинаа во судирите меѓу полицијата и племенските групи, кои се противат на локалните избори, што во моментов се оддржуваат во индиската држава Асам.
-Ситуацијата е многу критична. До сега се пријавени 11 мртви и најмалку шестмина повредени – изјави полицискиот функционер, Бхупен Бора.
Бора додаде дека девет лица се убиени кога полицијата отвори оган, откако две племиња, кои се противат на оддржувањето на изборите, почнале да ги палат селата и да ги напаѓаат официјалните претставници на владата.
Североистокот на Индија со децении е поприште на недозрабирања меѓу етничките и сепаратистичките групи, иако некои бунтовници неодамна почнаа мировни преговори со владата.