Неколку стотици британски граѓани учествуваат во судирите во Ирак како борци на сунитската џихадистичка група Исламска држава во Ирак и Левантот, која презеде под своја контрола неколку реони во земјата, изјави британскиот министер за надворешни работи Вилијам Хејг.
– Тие преминале во Ирак од соседна Сирија, истакна Хејг, додавајќи дека тоа е бројка од околу 400 Британци кои војуваат на страната на ИДИЛ во сирискиот конфликт и можат да претставуваат закана доколку се вратат во Велика Британија.
Тој потврди дека Велика Британија нема да испрати свои војници во Ирак кои ќе и помогнат на Владата во борба против сунитските екстремисти.
Британското Министерство за одбрана веќе испрати во Багдад група експерти, кои треба да и помогнат на британската амбасада при вонредни услови.