Палестинското исламистичко движење Хамас се согласи на ново 24-часовно примирје, кое треба да почне во 14 часот по локално време (11 по средноевропско време).
– Во договор со Обединетите нации, поради положбата на нашиот народ како и за Рамазан Бајрам спротиставените групи се согласија да поддржат 24-часовно хуманитарно примирје, кое почнува денеска во 14 часот, изјави портпаролот на Хамас, Сами Абу Зухри.
Израел се уште не се изјаснил за таквиот предлог, откако го укина сопственото 24-часовно примирје денеска како одговор на ракетните напади на Хамас врз јужниот и централниот дел на Израел.