Генералниот секретар на ОН, Антонио Гутереш изрази денеска надеж дека зголемените тензии меѓу САД и Русија поради Сирија нема да предизвикаат ескалација на ионака „драматичниот конфликт“.
– Се надевам дека ќе има деескалација на ситуацијата затоа што таков вид инциденти може да бидат многу опасни во конфликтната ситуација во која има толку многу актери и во која состојбата на теренот е толку сложена, изјави Гутереш на прес конференција.
Тензиите ескалираа во неделата кога американската армија собори сириски воен авион во близина на Рака поради гранатирање позиции во близина на силите на коалицијата предводена од САД.