Генералниот секретар на Обединети нации, Антонио Гутереш, на денешната вонредната седница на Генералното собрание посветена на Украина, нагласи дека идејата за нуклеарен конфликт е „едноставно незамислива“.
Рускиот претседател Владимир Путин вчера ја зголеми специјалната борбена готовност на руските сили за одвраќање, меѓу кои е и нуклеарното оружје.
Според Гутереш тоа е „застрашувачки развој на ситуацијата“.
ГС на ОН денешната седница ја почна со едноминутно молчење за Украина, а Франција ќе поднесе резолуција во Советот за безбедност на ОН, со која ќе повика на итен прекин на огнот во Украина и гаранции за доставување на хуманитарна помош до цивилите.
Извор: МИА