Како дел од иницијативата за вонредно забрзување на приходите (ЕРА), Европската Унија и предаде на Украина една милијарда евра замрзнати руски средства, изјави денеска украинскиот премиер Денис Шмихал.
„ЕУ и префрли на Украина една милијарда евра во рамките на иницијативата ЕРА (вонредно забрзување на приходите). Ова беше објавено за време на нашата средба со европскиот комесар за економија и продуктивност Валдис Домбровскис во Брисел“, напиша Шмихал.
Шмихал рече дека ова е трета транша од иницијативата на Г7, обезбедена од приходите од замрзнатите руски средства и дека средствата ќе бидат насочени кон приоритетните расходи на украинскиот државен буџет, пренесува Укринформ.
Украинскиот премиер додаде дека вкупно европските сојузници и обезбедиле на Украина пет милијарди евра во рамките на програмата ЕРА.
