Гутереш апелира да се спречи климатската катастрофа

Од:

Климатските промени се побрзи од очекувањата, како и емисиите на стакленички гасови, предупреди генералниот секретар на Обединетите нации, Антонио Гутереш.

Тој денеска повика на „итно, брзо и сеопфатно“ намалување на емисиите на стакленички гасови за да се забави глобалното затоплување и да се спречи климатска катастрофа.

Пред годишната сесија на Генералното собрание на ОН следната недела, тој ги предупреди владите дека климатските промени се одвиваат побрзо од очекуваното и дека емисиите на фосилни горива веќе се намалени поради пандемијата на коронавирусот, пренесува Анадолија.

Говорејќи на презентацијата на извештајот „Обединети во науката 21“, кој ги сумира тековните напори за борба против климатските промени, Гутереш рече дека неодамнешните екстремни временски настани – од ураганот Ида во САД и поплавите во западна Европа до смртоносниот топлотен бран на северозапад на Пацификот – потврдено е дека ниту една земја не е безбедна од катастрофи поврзани со климата.

„Овие промени се само почеток на полоши ситуации. Доколку нема итно, брзо и сеопфатно намалување на емисиите на стакленички гасови, нема да можеме да го ограничиме глобалното затоплување на 1,5 степени Целзиусови. Последиците ќе бидат катастрофални“, рече Гутереш, повикувајќи ги владите да ги исполнат целите на Парискиот климатски договор од 2015 година.

Би можело да ве интересира

Папа Франциск: Борбата со климатските промени да биде над партиски интереси

Активисти се судрија со полицијата за време на младински самит за климата во Милано

А1он

Папата им порача на младите климатски активисти да создаваат иднина

А1он

Гутереш: Климатските промени го зголемуваат ризикот од насилни конфликти

А1он

Гутереш предупредува дека светот е на пат кон катастрофа

А1он

Пандемијата со Ковид-19 не го забави напредокот на климатските промени

Катерина Павлова-Николовска