Генералниот секретар на Обединетите нации Антонио Гутереш повика на мир и правда на денешниот состанок на Советот за безбедност на ОН по повод втората годишнина од руската инвазија на Украина.
Гутереш му рекол на Советот дека руската агресија врз Украина директно ја прекршила Повелбата на Обединетите нации и меѓународното право, пренесува Си-Ен-Ен.
„Крајно време е за мир, праведен мир, заснован на Повелбата на Обединетите нации, меѓународното право и резолуциите на Генералното собрание“, најави Гутереш.