Обединетите нации се во ќорсокак, потребни се промени призна Гутереш

Од:

Генералниот секретар на ОН Антонио Гутереш изрази жалење поради неуспехот на Советот за безбедност на ОН да одговори адекватно на војната меѓу Израел и Хамас во Газа и руската инвазија на Украина, велејќи дека конфликтите „можеби фатално“ го поткопале авторитетот на Советот. Говорејќи на отворањето на Советот за човекови права на ОН во Женева, Гутереш рече дека Советот за безбедност често се наоѓал во ќорсокак и „не можел да одговори на најважните прашања за мир и безбедност на нашето време“.

„Недостигот на единство на Советот во врска со руската инвазија на Украина и израелските воени операции во Газа по ужасните терористички напади на Хамас на 7 октомври сериозно, можеби фатално, го поткопа неговиот авторитет“, рече тој.

„На Советот му треба сериозна реформа во составот и методите на работа“, додаде тој. Соединетите Американски Држави минатата недела ставија вето на нацрт-резолуцијата на Советот за безбедност со која се повикува на итен хуманитарен прекин на огнот во израелската офанзива во Газа.

Тоа беше трето американско вето на нацрт-резолуцијата од почетокот на актуелниот конфликт на 7 октомври. Околу 1,5 милиони жители на Газа се сместени во шатори и други привремени засолништа во градот Рафа на границата со Египет, од кои повеќето ги напуштиле своите домови во северниот дел на земјата за да ја избегнат израелската офанзива.

Гутереш, кој го опиша Рафа како центар на хуманитарните операции во палестинската енклава, рече дека целосниот израелски напад таму ќе има катастрофални последици. „Целосна израелска офанзива врз градот не само што би била застрашувачка за повеќе од еден милион палестински цивили кои се засолниле таму, туку и ќе го стави последниот клинец во ковчегот на нашите програми за помош“, рече тој.

Би можело да ве интересира

ВИДЕО: Погодено возило на УНИЦЕФ на влезот на Газа

ВИДЕО: Русија жестоко нападна неколку украински градови, најтешко погоден Харков

Катерина Ѓуровски

Украина тврди дека соборила руски хелкоптер, Русите велат сам паднал

Голема победа за двајца руски милијардери, ЕУ мора да им ги укине санкциите

Катерина Ѓуровски

ВИДЕО: Експлозии од двете страни на границата, Русија и Украина се напаѓаат со дронови

Катерина Ѓуровски

ВИДЕО: Бајден го нарече пристапот на Нетанјаху кон војната во Газа „грешка“

Катерина Ѓуровски