Уринирање на јавни места е голем проблем во Индија поради што група анонимни активисти одлучиле да ги растеруваат мажите кои тоалетот го замениле со улицата.
Групата патролира по улици на Мумбај и со цистерна ги прска со вода сите кои уринираат врз дрва и ѕидови.
– Напаѓаме кога најмалку очекувате. Ќе престанеме ако вие престанете, порачуваат од групата.
Вршењето нужда на јавни места во Индија е забрането со закон. И покрај тоа, голем број граѓани не ја почитуваат забраната.
Неодамна и Уницеф покрена кампања во која ги повикува Индијците да ги променат своите хигиенски навики и да користат тоалет.