Според првичните резултати, на вчерашните избори за центалниот и регионалните парламенти во Мјанмар гласале над 82 отсто од 34,5 милиони жители со право на глас.
Изборите, одржани под мониторинг на Обединетите Нации и набљудувачи делегирани од Европската унија и поголем број азиски претставници, поминале мирно, без инциденти. Текот на гласањето како позитивен чекор кон демокраска пресвртница во Мјанмар веќе го поздравија САД, Сингапур, Тајланд и неколку други држави од Азија.
Пред повеќе десетици илјади симпатизери пред штабот на Националната Лига за демократија, опзициониот лидерАунг Сан Су Ќи изјави дека верува во извештаите дека нејзината партија убедливо победила, но дека е рано да се дадат конечни изјави.
Од изборниот штаб на Унијата за Солидарност, која сега е на власт со поддршка на армијата, изјавија дека очекуваат 40 посто од гласовите во нивна полза. Тој процент, со пратеници директно делегирани од армијата, би им биле доволни да ја задржат власта.
Пребројувањето на гласовите во Мјанмар ќе трае неколку недели. Евентуалната промена на власта ќе се случи во март идната година, кога поминува петгодишниот мандат на сегашниот Парламент и претседателот на државата.