Сите очи низ целиот свет се вперени во борбата против најзаразниот вирус – малите сипаници, кои го преминаа загрижувачкиот праг во САД, а се шират и низ Европа.
Малите сипаници се најзаразната болест и секој пациент може да ја пренесе на девет од десет други невакцинирани лица кои се изложени на вирусот.
Светските медиуми објавуваат застрашувачко предупредување од експерти дека САД би можеле да бидат на работ да го изгубат статусот на земја без мали сипаници.
Во Европа, бројот на случаи на мали сипаници се зголемил за 10 пати во 2024 година, што е највисоко од 1997 година, и продолжува да расте, според податоците од Европскиот центар за превенција и контрола на болести (ECDC).
Досега во 2025 година, низ Европската Унија се пријавени околу 4.500 случаи на мали сипаници, според најновиот извештај на ECDC за мали сипаници и рубеола, од кои повеќето се невакцинирани деца под четиригодишна возраст.
Романија, Франција, Италија, Холандија и Шпанија се најпогодени, се вели во најновиот извештај на ECDC.