Германија бара Европската комисија да ја набави руската вакцина Спутник за земјите од ЕУ

Од:

Германија ја повика Европската комисија да ја набави руската вакцина Спутник V за земјите од Европската унија, изјавил германски официјален претставник, пренесува „Политико“.

– Побаравме од Комисијата да почне постапка за набавување на Спутник, истакнал претставникот пред новинарите на брифинг во Берлин, додавајќи дека „сега гледаме дека Комисијата е во процес на започнување на таа постапка“.

Претставникот, исто така, нагласил дека ЕК прво треба да ги испита ставовите во европските главни градови за да утврди кои земји се заинтересирани за купување на руската вакцина пред да почнат преговори за набавката.

Откако спогодбата ќе биде постигната, земјите-членки можат потенцијално да купат дози на руска вакцина преку договорот на ЕУ, рекол германскиот претставник. Европската агенција за лекови (ЕМА) ги доби првите податоци за ефикасноста и безбедноста на руската вакцина на почетокот на овој месец откако Русија побара одобрување.

Засега не е познато кога ќе се донесе одлука за одобрување на вакцината Спутник V. Шефот на ЕМА, Емер Кук изјави дека регулаторот се подготвува да испрати инспекција на местата во Русија каде се произведува вакцината.

Би можело да ве интересира

„Црниот мраз“ ја парализира Германија: Повеќе од 260 сообраќајки, затворени училишта и патишта

ЕК: Македонија ќе ги добие средствата за пред-финансирање што е можно поскоро

AfD подели илјадници лажни авионски билети на мигрантите за депортација

Ако не е произведено во Дубаи, не смее да се рекламира како „Дубаи чоколадо“, реши суд во Германија

Автобуска несреќа во Германија: Најмалку двајца загинати, има многу тешко повредени

АфД ја именуваше Алиса Вајдел за свој кандидат за канцелар на претстојните избори