Главната железничка станица во северозападниот германски град Оснабрик е затворена, а околината е евакуирана откако беа пронајдени четири бомби за кои постои сомневање дека потекнуваат од Втората светска војна, соопшти националната железничка компанија Дојче Бан (ДБ).
Ограничувањата што го засегаат меѓуградскиот, дневниот и товарниот сообраќај ќе останат во сила цел ден, а целата област околу станицата е зона за евакуација, соопшти ДБ. Околу 15.400 жители мораа да ги евакуираат своите домови, откако се открија сомнителни бомби на поранешната товарна станица, соопштија градските власти.
Доколку се утврди дека бомбите се неексплодирани, ќе бидат повикани експерти да ги деактивираат. Градот, кој се наоѓа на околу 70 километри источно од холандската граница, веќе има неколку евакуации откако беа пронајдени бомбите од Втората светска војна.
„Железничката станица беше масовно бомбардиран за време на војната како стратешка цел“, објавија градските власти.
На местото на поранешната товарна станица се гради нов станбен простор.