Генералното собрание на Обединетите нации вчера со акламација ја усвои политичката декларација за целите на африканските земји во 21 век, која заеднички ја предложија сите држави-членки на Африканската унија (АУ).
Со усвојување на политичката декларација заврши дебатата за мирно решавање на споровите во Африка во соработка со АУ, по повод 50-годишнината од формирањето на оваа најмасовна регионална организација.
Во дебатата учествуваа 11 министри за надворешни работи, а покрај африканските шефови на дипломатијата учествуваа и претставници на САД, на ЕУ, на Русија, на Кина, на Бразил, на Австралија, на Туција и други земји.
Главна порака од конференцијата е дека Африка, благодарение на рекордниот економски развој во последните години и огромните природни богатства, станува се поважен актер на меѓународната сцена.