Францускиот министер за одбрана, Жан-Ив ле Дријан изјави дека два воени бродови кои Русија ги нарача можеби никогаш нема да бидат испорачани.
Претседателот на Франција, Франсоа Оланд минатиот месец ја прекина испораката на првиот брод поради тензиите предизвикана со постапките на Русија во Украина. Тоа беше второ пролонгирање на испораката.
Ле Дријан во петокот изјави дека испораката можеби никогаш нема да биде реализирана ако ситуацијата во Украина не се промени.
– Русите тоа мора да го разберат, истакна францускиот министер.
Продажбата на два носачи на хеликоптери би била најголема трансакција во оружје од една земја-членка на НАТО во Русија.