Финската премиерка Сана Марин денеска изјави дека евентуалниот влез на нејзината земја во НАТО ќе значи безбедност за граѓаните на оваа нордиска земја. Воедно, таа ја повика меѓународната заедница да се обедини во заострување на санкциите кон Русија поради нападот врз Украина.
Финска и Шведска оваа недела треба да одлучат за влез во НАТО, што може да биде сериозен удар за Русија.
– Ако Финска го направи овој историски исчекор, тоа е за безбедноста на нашите граѓани. Членството во НАТО ќе ја зајакне целата меѓународна заедница, која се бори за истите вредности, рече Марин за време на разговорите во Токио со јапонскиот премиер Фуми Кишидо.
Извор: МИА