Колумбиската влада и ултралевичарските бунтовници од ФАРК се согласиле заеднички да работат во остранувањето на минските полиња во Колумбија, поставени во руралните краишта од земјата.
Согласност за оваа операција е постигнат на мировните преговори што веќе две години се водат во Хавана меѓу претставници на колумбиската влада и ФАРК.
Според договорот, бунтовнииците на ФАРК ќе работат заедно со претставниците на колумбиската армија за да се најдат и отстранат нагазните мини и другите експлозивни средства расфрлани низ оваа земја.
Колумбија важи за една од земјите во кои има најмногу поставени мини во светот. Повеќе од 11 илјади луќе се повредени од нагазни мини во изминатите 15 години.
ФАРК и армиските сили на Колумбија војуваат уште од средината на шеесетите години на 20 век.
– Согласноста за заедничко чистење на мините е прв чекор, но е од огромно значење за постигнувањето целосен мир во Колумбија, изјави во Богота главниот прегиварач со ФАРК, Умберто де ла Кале.
Шефот на преговарчкиот тим на ФАРК, Иван Маркез изјави дека од спогодбата постигната во Хавана, полза ќе имаат пред се обичните луѓе кои работата по полињата.