Европската комисија изготвува планови за разделување на дипломатската служба на Европската Унија и спојување на делови од неа со извршната власт на блокот, како одговор на барањата од Франција и Германија за сеопфатен ремонт на машинеријата за надворешна политика на Брисел до крајот на годината, соопштија денес извори запознаени со ситуацијата.
Високи функционери почнаа да испитуваат кои функции Европската служба за надворешни активности (ЕЕАС), предводена од Каја Калас, би можела да ги апсорбира од постојните оддели на Европската комисија, објави „Фајненшл тајмс“.
Плановите, во кои учествуваат функционери од генералниот секретаријат на Комисијата и нејзините правни и буџетски оддели, имаат за цел да го намалат дуплирањето и подобро да ја усогласат дипломатската работа на ЕУ со овластувањата на Комисијата за трговија, помош, дигитална регулатива и технологија.