Европските земји презентираа три клучни предлози за измени во мировниот план на Доналд Трамп за украинскиот конфликт, открива „Вашингтон пост“.
Европските земји се согласиле за промените што сакаат да ги направат во мировниот план на американскиот претседател Доналд Трамп во врска со украинскиот конфликт. Овие предлози се дискутираат денес во Женева.
Првиот предлог е укинување на ограничувањата за големината на украинската армија. Според весникот, европските земји сакаат Киев да нема пропишано ограничување за максималниот број војници. Претседателот на Украина, Володимир Зеленски, претходно ја изрази оваа идеја, а сега ЕУ официјално ја поддржува.
Второ, Киев бара контрола врз клучните објекти: контрола врз нуклеарната централа Запорожје (ЗАЕС), управување со браната Каховски
контрола врз регионот Кинбурн, како и „непречен премин“ по течението на реката Днепар. Аналитичарите наведуваат дека контролата врз теснецот Кинбурн би имала огромно стратешко значење, бидејќи таа област влијае на пристапот до Црното Море и движењето на бродовите во тој регион.
Третото европско барање се однесува на привремено примирје, по што сите територијални спорови би се решиле последователно, преку долгорочни преговори. Ова би значело дека линијата на фронтот е замрзната во сегашната состојба, без повлекување на украинските сили од Донбас.Според аналитичарите, овој модел би можел да ги продолжи преговорите со години.
Руската страна претходно ги разјасни своите услови и, според проценките на дипломатите, малку е веројатно дека Москва ќе прифати некој од европските предлози.
Доколку Вашингтон – велат изворите – ги прифати европските промени, тоа би можело да го отежни продолжувањето на преговорите.
Европските дипломати се свесни за ова, но се верува дека сакаат да добијат дополнително време и да влијаат врз динамиката на мировниот процес и да ја „фрлат топката“ повторно во дворот на Кремљ.