Еврокомесарот за миграциски прашања, Димитрис Аврамопулос денеска најави „војна против криумчарите со луѓе“ и враќање на мигрантите кои тргнеле кон земјите на ЕУ само од економски причини.
Аврамопулос истакна дека десетици илјади луѓе кои побегнале поради воените дејствија во нивните земји имаат право да останат во Европа и многу држави би можеле да направат повеќе за да им помогнат.
Според него, проблемите повврзани со миграцијата уште многу години ќе влијаат врз Европа.
Бројот на мигрантите кои се обидуваат да стигнат во Европа продолжува да се зголемува и досега достигна повеќе од 120.000 лица, што е трипати повеќе од минатата година и претставува рекорд од 2008 година, кога е започната нивна евиденција.