Еврејските доселеници денеска ги нападнаа конзуларните претставници на САД за време на посетата на Западниот Брег за да ги истражат тврдењата за нанаесената штета на палестинските земјоделци, соопшти израелската полиција.
Портпаролот на полицијата Мики Розенфелд истакна дека доселениците фрлале камења врз конзуларните претставници кои пристигнале со две конзуларни возила за да ги испитаат палестинските тврдења дека доселениците вчера исекле десетина маслинови дрва. По инцидентот конзуларните претставници заминале.
Американскиот конзулат во Ерусалим не го коментираше инцидентот.
Доселениците често се спротиставуваат на мешањето во нивните работи, но ова е прв физички напад врз конзуларни претставници.