САД во моментов се во состојба на она што е опишано како „еуфорија на неказнивост“ по апсењето на венецуелскиот претседател Николас Мадуро, изјави Алексеј Журавлев, коментирајќи го запленувањето на танкер што пловел под знамето на Руската Федерација.
Како што изјави првиот заменик-претседател на Комитетот за одбрана на руската државна дума, Алексеј Журавлев, зборувајќи за запленувањето на танкерот „Маринер“, еден од двата брода запленети од САД, ваквите дејствија на САД кон бродовите се чин на чисто пиратство.
Според него, ова е во суштина исто како напад врз руска територија, бидејќи танкерот пловел под руско знаме, пренесува руски „Новости“.
Журавлев, руски парламентарец кој претходно им се заканувал на САД со нуклеарно оружје, смета дека на ваквите потези треба да се реагира решително и брзо, бидејќи руската воена доктрина, како што наведува, дури предвидува и можност за употреба на нуклеарно оружје како одговор на ваквите закани.
Тој додаде и дека, според достапните информации, во близина на танкерот се наоѓала руска подморница, како и други воени бродови.