Турција и Италија ќе продолжат да ја зајакнуваат соработката во областа на одбранбената индустрија со нови проекти, изјави денес турскиот претседател Реџеп Таип Ердоган.
„Ќе продолжиме да ја зајакнуваме соработката во областа на одбранбената индустрија со Италија, во која е постигнат значителен напредок, а се предвидуваат и нови партнерства и проекти“, изјави Ердоган по средбата со италијанскиот премиер Џорџо Мелони во Рим, пренесува Ројтерс.
Зборувајќи на заедничката прес-конференција со Мелони, Ердоган рече дека лидерите поставиле нова годишна цел од 40 милијарди долари во трговијата меѓу двете земји.