Независна експертска група, која проучува што не било во ред во реакцијата на Светската здравствена организација кон кризата со еболата, денеска соопшти дека се уште не е јасно зошто поминало толку време додека организацијата преземе дејствија.
Епидемијата од ебола ги однесе животите на над 11.000 лица.
Експертите во својот прв извештај истакнаа дека се уште не е јасно зошто раните предупредувања „не довеле до егективен и соодветен одговор“.
Според нив, СЗО има потреба од „длабока и значителна организациска промена“.
Вирусот и понатаму се шири во западноафриканските држави Гвинеја и Сиера Леоне.
СЗО од 6 мај досега регистрирала 59 смртни случаи од вирусот во Западна Африка и 129 нови заразени лица.