Европска Комисија денеска доби политички мандат од владите на земјите-членки на Европска Унија во нивно име да преговара за набавка на вакцина за новиот коронавирус, изјави еврокомесарката за здравство Стела Киријакидес.
Таа упати апел до земјите-членки на ЕУ да се откажат од паралелни иницијативи.
„ЕК доби огромна поддршка од владите на земјите-членки на ЕУ за користење на фондот од 2,4 милијарди евра за купување на вакцини против коронавирусот,“ посочи Киријакидес.
Германија, Франција, Италија и Холандија веќе преговараат со фармацевтските компании за купување на вакцини, што може да го ослабне заедничкиот пристап на ЕУ.
Таа истакна дека двете иницијативи имаат иста цел – благосостојбата на сите 27 земји-членки на ЕУ.
„Станува збор за заедничка работа, а не за натпревар,“ рече Киријакидес.