Автобус со 47 грчки патници денеска удри во бариера за ограничување на висината во Букурешт, при што едно лице загина, а повеќе од 20 се повредени.
Несреќата се случила во центарот на Букурешт околу 13.30 часот, соопштија властите.
Началникот на романскиот оддел за итни случаи, Раед Арафат, изјави за новинарите дека 22 патници биле префрлени во болници, а дека еден се уште е во критична состојба, пренесува АП.
Романското Министерство за здравство соопшти дека некои патници се уште се заглавени во автобусот и дека 10 екипи на брзата помош биле испратени да пружат итна медицинска помош. Сите патници, вклучувајќи го и возачот, се грчки државјани, пренесува АП.