Римски ѕид во Помпеја во јужниот дел на Италија во близина на Неапол, се урна поради дождот, што е последен во серијата инциденти во античкиот град, кој е затрупан во ерупција на вулкан пред 2.000 години, соопштија денеска локалните археолози.
Дел од ѕидот долг околу два метри, беше дел од урнатините на една куќа. Во оваа област во изминативе неколку недели имаше поројни дождови, а и порано уривањето е доведувано во врска со лошите временски услови.
Областа е веќе затворена за јавноста затоа што се мислеше дека е ризична и предвидена е за реставрација во склоп на “Големиот помпејски проект” за кој ЕУ одвои 105 милиони евра.
Помпеја, која е затрупана со пепел од Везув во 79 п.н.е., е најдобро сочуван римски град во светот. Тој во 1997 година е ставен на листата на светско наследство на УНЕСКО.