Две жени приведени во истрага за исчезнување Србин во Франција, кој најверојатно е убиен

Од:

Две жени се приведени во истрагата за убиство, откако кон крајот на декември во Безансопн, во источна Франција, мистериозно исчезнал еден Србин, кој живеел во Германија и најверојатно бил убиен, јави дописникот на МИА.

dobivaj vesti na viber

Според блиските, кои го пријавиле неговото исчезнување на 26 декември, Србинот го напуштил својот дом во Германија на 22 декември за да купи возило во градот Франш-Комте, наведе на брифинг со новинарите обвинителот. Тој кај себе имал „сума пари“, додаде тој, без сепак да ја прецизира сумата.

Србинот патувал со сопствен автомобил, пронајден од полицијата во Безансон. Траги од крв на исчезнатиот се откриени „во значително количество“ во багажникот, што е „силна трага што сугерира „ намерно убиство“, оцени обвинителот, според кого истрагата и била доверена на Судската полиција од Безансон.

Против Србин, кој „неколку дена престојувал во Планоаз“ и „со кого жртвата контактирала за трансакцијата“, е издаден налог за апсење, продолжи обвинителот Етиен Манто, според кого осомничениот од 26 декември се наоѓа во бегство.

Од друга страна, двете жени, исто така со српско потекло, на возраст од 25 и 58 години, биле во контакт со бегалецот и „се осомничени дека го исчистиле станот“ во кој тој живеел, посочи обвинителот.

Едната жена денеска е обвинета за „измена на местото на злосторството“ и „непријавување кривично дело“, додека постарата е обвинета за „непријавување кривично дело“. Двете се притворени.

Според истрагата, „тие имаат и ги знаеле решавачките елементи за расчистување на настанот, но молчеле“, објасни обвинителот, според кого „има силна причина да се плаши“ дека исчезнатото лице е „мртво“.

Извор: МИА

Би можело да ве интересира

Вучиќ-Орбан: Унгарија и Србија може да сметаат една на друга

Ана Ололовска

Од 300 денешни дојави за бомби во српските училишта, 224 биле лажни

Ландов

Србија се усогласи со санкциите на ЕУ кон Белорусија во врска со инвазијата на Украина

Дојави за бомби во над 130 учиилишта низ Србија

Мишел: Европската геополитичка заедница би го олеснила процесот на пристапување во ЕУ

Ана Ололовска

Макрон: Европската политичка заедница е надополнување на процесот на пристапување во ЕУ

Ана Ололовска