Уредник и негов заменик на весникот „Пост’’ од Јангун денеска се осудени на по два месеци затвор поради наводна клевета на сметка на сегашното, полувоено, раководство на Мјанмар.
Новинарите се осудени по жалбата на претставник на армиското крило во Парламентот на Мјанмар, чија изјава, како што смета тој, била погрешно пренесена во весникот.
Според аналитичарите, оваа пресуда уште повеќе ја влошува сликата на демократијата во Мјанмар. Во оваа држава во која воената хунта во 2.011 година делумно ја пренесе управата и на цивилниот сектор, на затворски казни се осудени 10 новинари, а 19 чекаат судење. Речиси сите обвиненија против новинарите се поради критиките на сегашниот режим. Мјанмар е на 10 место во светот според бројот на осудени новинари.