Поранешниот главен епидемиолог на САД, Ентони Фаучи, и поранешниот заменик-државен секретар на САД, Викторија Нуланд, треба да бидат во затвор поради создавање ризици за глобалното здравје, според Кирил Дмитриев, специјален претставник на рускиот претседател за инвестиции и надворешна економска соработка.
Дмитриев потврди на социјалната мрежа X дека бил во право во својот коментар од јуни во врска со изјавата на тогашната директорка на Националното разузнавање, Тулси Габард, дека политичарите и „т.н. медицински експерти како Фаучи“ постојано го лажеле американскиот народ за постоењето на биолошки лаборатории финансирани од САД.
Потоа тој нагласи дека Фаучи, Нуланд и „другите лажговци“ треба да бидат во затвор поради нивните „документирани лаги и ризиците за здравствена безбедност што ги создале за човештвото“.
Дмитриев, исто така, истакна дека информациите што Фаучи можеби ги знаел за теоретска врска помеѓу втората доза на некои вакцини против КОВИД и спонтаните абортуси во првиот триместар кај бремени жени се само врвот на ледениот брег.
Минатата недела, комитет на американскиот Сенат изјави дека одбивањето на поранешниот главен епидемиолог на САД, Ентони Фаучи, да одговори на повеќе од 100 прашања од сенатори за епидемијата на коронавирус е непочитување на Конгресот.
Американските сенатори Рон Џонсон и Ренд Пол објавија порака наводно од телефонот на Фаучи во која епидемиологот наводно во јануари 2021 година рекол дека треската што многу луѓе ја доживуваат по втората доза од вакцината теоретски би можела да биде поврзана со спонтани абортуси во првиот триместар, објави „Спутник“.
Во јуни, пред да ја напушти функцијата, Тулси Габард објави документи за кои таа рече дека потврдуваат дека Фаучи бил вклучен во финансирање на истражувања за опасни мутации во лабораторија во Вухан, а потоа ги манипулирал податоците за да ги насочи проценките на разузнавачката заедница.
Поранешниот американски претседател Џозеф Бајден му додели на Фаучи превентивно помилување пред крајот на неговиот мандат.