Генералниот музички директор на Виенската опера, Франц Велцер-Мест колабира на диригентскиот пулт, што беше последица на болките што ги имал поради приклештување на нерв.
Во текот на операта “Парсивал”, во неделата вечер, Велцер-Мест колабирал на диригентскиот пулт, соопшти операта преку Фејсбук.
Велцер-Мест, кој е главен диригент на американскиот оркестар во Кливленд, беше префрлен во болница, каде што во текот на ноќта бил пуштен дома, со задолжителна физиотерапија.
Откако Велцер-Мест колабирал, диригирањето до крајот на претставата го презеде солокорепетиторот Џејм Пирсон.
Велцер-Мест веќе утре требаше повторно да диригира, но ќе остане на домашна нега, а неговото место привремено ќе го заземе директорот на операта од Линц Денис Расел Дејвис.
Велцер-Мест во изминатите пет дена диригираше дури четири претстави, а само операта “Парсивал” трае четири и пол часа.