Деветмината кандидати за нов генерален секретар на ОН во изминатите три дена одговорија на околу 800 прашања поставени од страна на амбасадорите и заинтересираните групи, во првиот обид во 70-годишната историја на Светската орагнизација, изборот на нејзиниот прв човек да биде отворен за јавноста.
Претседателот на Генералното собрание, Могенс Ликетофт, кој претседаваше со седницата на која беа поставувани прашањата, рече дека е „многу инспириран“ со тоа што, покрај претставниците на речиси сите 193 држави членки на ОН, заседанието преку интерент го следеле и околу 227.000 луѓе од 209 земји и територии.
– Тоа е веќе новина. Воспоставивме нови стандарди на транспарентност и инклузивност при изборот на генерален секретар, изјави Ликетофт.
Шефот на ОН го избира Генералното собрание по препорака од 15-члениот Совет за безбедност.