Најмалку 11 лица беа убиени и 40 ранети изминатата ноќ во Дамаск, откако експлодира автомобил бомба на фрекфентна бензинска станица, соопштија опозициски активисти, цитирани од британските медиуми.
Пред бензинската станица имало голема колона од луѓе, кои сакале да се снабдат со бензин, што стана дефицитарен за време на 21- месечната граѓанска војна во земјата.
Атентатот се случи во квартот Барзех ал Балад, населен главно од сунити, но и од други религиозни и етнички малцинства.
За настанот соопшти Командата на бунтовничките сили во престолнината.
Активист, кој живее во квартот, изјави дека видел возила на бразата помош како превезуваат изгорени трупови и луѓе со тешки изгореници, пред де биде избркан од силите за безбедност.
Полуофицијалната телевизија „Ал Ихбарија“ прикажа снимки на десет изгорени човечки тела и припадници на Црвената полумесечина како трагаат по настрадани.
Засега никој не ја презеде одговорност за бомбашкиот напад, посочуваат британските медиуми.