Францускиот претседател Емануел Макрон предупреди дека САД би можеле да ја „предадат“ Украина, според протечен транскрипт од разговор меѓу европските лидери во кој се дискутира стратегија за заштита на Киев.
Деталите од телефонскиот повик – кој се одржа во понеделник, а во кој учествуваа Макрон, германскиот канцелар Фридрих Мерц, генералниот секретар на НАТО Марк Руте, финскиот претседател Александар Стуб, украинскиот претседател Володимир Зеленски и други – беа објавени од германскиот весник „Дер Шпигел“, а лидерите разговараа за мировните преговори предводени од САД со Киев и Москва.
– Постои можност САД да ја предадат Украина по прашањето за територијата без јасност во врска со безбедносните гаранции, рече Макрон, според „Шпигел“, додавајќи дека постои „голема опасност“ за Зеленски.
Елисејската палата не одговори веднаш на барањето на Политико за коментар. „Шпигел“ објави дека Елисејската палата негираше во изјава за германскиот медиум дека Макрон зборувал за какво било предавство.
„Претседателот не ги употребил тие зборови“, соопшти канцеларијата на Макрон, според „Шпигел“.