Дански и шведски сеизмолози регистрираа силни експлозии во областите на истекување на гасоводот Северен тек. Ова денеска го соопшти шведскиот национален сеизмолошки центар на Универзитетот во Упсала за Шведската државна телевизија.
– Нема сомнеж дека станува збор за експлозии, изјави сеизмологот на центарот Бјорн Лунд за телевизијата.
Se video og fotos af gaslækagerne på Nord Stream 1 og 2-gasledningerne i Østersøen på https://t.co/pj96CN7CDB: https://t.co/7bgt8TljaH #dkforsvar pic.twitter.com/I1zEPaBLYO
— Forsvaret (@forsvaretdk) September 27, 2022
И сеизмограф на данскиот остров Борнхолм регистрира двојно зголемување на сеизмичката активност. Тоа се случило вчера, кога е забележан драстичен пад на притисокот на гасоводите Северен тек 1 и Северен те к 2, соопшти Геофизичкиот институт на Германија.
Сеизмографот отчитувал речиси целосна смиреност до 02:00 часот по локално време, кога одеднаш е регистрирано зголемување на сеизмичката активност што одговарало на земјотрес. Потоа селедел бран на постојано тресење. Истото се повторило во 17:00 часот.
Првото соопштение намалување на притисокот на Северен тек 2 е од вчера попладне. За Северен тек 1 беше објавено вчера вечер, веднаш по вториот извештај за зголемена сеизмичка активност.
Германскиот геофизички институт одби да коментира дали пријавените зголемувања на сеизмичката активност се поврзани со истекување на гасовод во областа.
Тие биле воочени во областа на островот Борнхолм, пренесе БТА.
Извор: МИА