Четири лица се ранети кога сиднејската полиција денеска отворила оган врз еден вооружен маж во шопинг центар од градот Сиднеј, соопшти полицијата.
Полицијата наведе дека ранети се мажот, кој во рака држел нож, и три жени на возраст меѓу 60 и 80 година.
Претставникот на полицијата на Нов Јужен Велс, Денис Клифорд, соопшти дека полицијата била повикана во шопинг центарот во северно предградие на Сиднеј.
Полицајците му пришле на вооружениот маж и тогаш дошло до инцидентот, пренесоа австралиските медиуми.
Клифорд додаде дека било пријавено оти вооружениот маж исчезнал од блиската психијатриска установа и дека по него трага локалната полиција.
За инцидентот ќе биде отворена истрага.