Четири лица најдени мртви во шатор на Монт Еверест

Од:

Четири лица, сите планинари, се најдени мртви во шатор на Монт Еверест, соопштија непалските власти.

Телата биле откриени од една спасувачка екипа што била испратена да го пронајде телото на еден словачки планинар, кој загина во неделата.

Со тоа бројот на загинатите планинари кои тргнале во опасната мисија, да се искачуваат по Хималаите до највискиот врв во светот, од почетокот на оваа година, достигна десет лица.

Сите овогодишни жртви се регистрирани во или сосема блиску до т.н. смртоносна зона, дел од планината и нејзиниот врв каде нивото на кислород е исклучително ниско.

Според медиумите во Катманду, меѓу откриените четири мртви тела, двајца биле странски планинари, додека другите двајца биле локални водичи-Шерпаси.

Во досегашниот овогодишен трагичен биланс, има жртви од разни националности, меѓу кои и искусни плнинари како еден Австралијанец и еден Швајцарец, но и 85-годишен алпинист кој се обиде да го поправи сопствениот рекорд- да биде најстариот човек што се искачил на Монт Еверест.

Од 1920 година, кога се правени првите обиди да се освои „покривот на светот“ па до сега, на Монт Еверест и на Хималаите загинаа над 200 лица.

Најцрна сезона се смета онаа во 2015 година, кога загинаа 24 планинари, најмногу како последица на падот на лавините.

Би можело да ве интересира

Голема лавина на Монт Еверест, исчезнаа тројца непалски водичи

Горан Наумовски

Непал и Кина заеднички ќе го мерат Монт Еверест

Ана Ололовска

Планинарите на Монт Еверест отсега сами ќе плаќаат за спасување

Отстранети 11 тони ѓубре од Монт Еверест

Првата црна жена Африканка што го освоила Монт Еверест

Ана Ололовска

Јубилеј – 30 години од освојувањето на Монт Еверест од првиот Македонец, Димитар Илиевски Мурато

Ана Ололовска