Претседателот на Венецуела, Хуго Чавез има постоперативни компликации и e подложен на дополнителнa операција за запирање на крварењето, соопшти денеска венецуелскиот министер за информации Ернесто Виљегас.
“Пациентот (Чавез) брзо се опоравува и виталните функции се нормални”, рече Виљегас за државната телевизија, додавајќи дека ревизијата била неопходна поради крварењето по операцијата од рак пред два дена, пренесе Ројтерс.
Чавез во вторникот имаше “комплексна операција”, која траеше повеќе од шест часа.
Претседателот на Венецуела, е опериран по четврти пат поради повторно појавување на тумор од јуни 2011 година. кога за прв пат беше опериран во Куба.
Пред да замине за Куба, Чавез за свој наследник го назначи Николас Мадуро, доколку не биде во состојба да ја врши својата должност после операцијата.