Венецуелската влада соопшти дека претседателот Уго Чавес имал респираторна инфекција по операцијата од рак, која му беше направена минатата недела, но сега инфекцијата е под контрола и неговата состојба е стабилна, пренесоа американските медиуми.
Министерот за информации Ернесто Вијегас синоќа даде изјава за здравствената состојба на Чавес.
-Докторите на претседателот му препишаа „цедлосен одмор“ во следните неколку дена, рече министерот.
Минатата недела 58-годишниот Чавес беше опериран од рак, четврти пат од средината на 2011 година.