Претседателот на парламенарната група на владејачката Социјалистичка партија во Долниот дом на францускиот Парламент, Бруно ле Ру е новиот министер за внатрешни работи, соопшти прес-службата на Елисејската палата.
Ле Ру ќе биде одговорен за борбата против тероризмот – клучна задача во земјата која неколкупати во последниве години беше погодена од исламистички напади.
Тој ќе го замени досегашниот министер Бернар Казнев, којшто пак, претседателот Франсоа Оланд го назначи за премиер. Казнев на премиерската функција го замени Мануел Валс, кој поднесе оставка за да се вклучи во номинациската трка на социјалистите за претседателските избори напролет.