Бројот на загинати во авионската несреќа на Филипините се искачи на 52

Од:

Бројот на загинати во вчерашната несреќа на филипинскиот воен авион „Ц-130“ достигна 52, соопштија властите.

Претходно беше соопштено дека во несреќата загинале 45 војник, а тамошните воени власти јавија дека 50 лица се спасени.

Авионот со 85 патници, тројца пилоти и седум члена на екипажот, вчера се урна при обид да слета на островот Џоло, во провинцијата Сулу, соопшти армијата.

Властите соопштија дека пилотите преживеале, но биле повредени, а дека за време на слетувањето на авионот на земјата биле повредени уште четворица локални жители.

Засега не е позната причината за падот на авионот.

Многу војници од авионот неодамна ја завршиле основната воена обука и биле испратени на островот да се борат против тероризмот во овој претежно муслимански регион, пренесоа француските медиуми.

Според филипинската војска, авионот што се урна вчера бил во „многу добра состојба“ и ги следел сите оперативни протоколи за време на летот, па истрагата ќе треба да даде конечен одговор на прашањето што точно ја предизвикало авионската несреќа.

Филипинската војска во јужните делови од земјата со години наназад се бори против исламистичката организација Абу Сајаф, која Вашингтон ја смета за терористичка.

Би можело да ве интересира

ВИДЕО: Авион се урна на автопат на Флорида, двајца мртви

Во свлечиште на Филипините загинаа 11 лица, а 110 се исчезнати

ВИДЕО: Четворица го преживеаја падот на рускиот авион во Авганистан, се трга по двајца

ВИДЕО: Се урна руски патнички авион

Катерина Ѓуровски

(ВИДЕО) Бизарна пресметка на далечниот исток: Кинезите со воден топ „пукаат“ во филипински брод

Тројца повредени во авионска несреќа во Франција