Борбени авиони на британското и германското воздухопловство пресретнале руски авион кој летал над естонскиот воздушен простор, објави денеска Би-би-си.
„Актот на пресретнување беше рутински, но ова е првпат ваква операција да биде извршена заедно од овие две земји“, наведува Би-Би-Си. Германија и Британија во моментов спроведуваат претходно планирана воена вежба на НАТО за чување на воздушниот простор во Источна Европа.
Би-би-си јавува дека британски и германски ловци пресретнале руски авион за полнење гориво кој не одговорил на естонските комуникации за контрола на воздушниот сообраќај.
Џејмс Хепи, секретар на вооружените сили на Велика Британија, рече: „НАТО продолжува да ја формира основата на нашата колективна безбедност. Заедничкиот ангажман на Германија и британија на Балтикот јасно ја покажува нашата колективна решителност да се спротивставиме на секоја потенцијална закана за границите на НАТО и за во исто време ја демонстрира нашата заедничка сила“.