Норвешкиот терорист Андерс Брејвик се допишува со германски неонацисти на кои им нуди поддршка во напорите за, како што тврди „прочистување на Европа“.
Тој и напишал писмо на Беате Чепе, германска екстремистка која е обвинета за учество во серија убиства на германски граѓани со турско и грчко потекло, како и за напади врз германската полиција.
Во писмото кое го објави „Шпигл“ Брејвик и порачува на Чепе дека и двајцата се маченици на „конзервативната револуција“ и ја убедува дека нејзините дела се славени од десетици илјади културни конзервативци во северна Европа.
Тој ја повикува екстремистката да го искористи претстојното судење за да ги изложи своите праведни гледишта, исто како што направил и самиот за време на процесот во кој беше осуден на 21 година затвор поради убиството на 77 луѓе.