Загубите на бразилската државна компанија „Петробрас“ поради корупцијата во нејзините раководни структури минатата година изнесувале 6,2 милијарди реали (2,06 милијарди долари).
Корпорацијата ја заврши годината со вкупна загуба во износ од 7,2 милијарди долари, покажува финансискиот извештај, утврден од меѓународните ревизорски компании.
Бразилските власти спроведуваат истрага за најголемата корупциска измама во историјата на јужноамериканската земја со учество на членови на поранешното раководство на „Петробрас“ и компании поврзани со неа.
Поранешниот директор за набавки на компанијата, Паулу Роберто Кошта вчере беше осуден на седум и пол години затвор. Тој пресудата ќе ја отслужи во домашен притвор.