Шефот на британската дипломатија Борис Џонсон денеска пристигна во ненајавена посета на Сомалија, јавија американските медиуми, повикувајќи се на помошникот на новоизбраниот претседател на земјата, Мохамед Абдулахи Мохамед.
Веднаш по пристигнувањето, на самиот аеродром во Могадишу, Џонсон оствари средба со Мохамед.
Велика Британија повикува на меѓународна помош за Сомалија, забележаа американските медиуми.
Според податоците на ОН, сушата во оваа источноафриканска држава, што веќе е прогласена за национална катастрофа, му се заканува на приближно половина од шестмилионското население на земјата.