Генералниот секретар на ОН Бан Ки-мун ќе свика итна средба со членовите на Советот за безбедност за ситуацијата во Ирак, соопшти генералниот директор на Организацијата на ОН за образование, наука и култура (УНЕСКО) Ирина Бокова, јави ТАСС.
– Денеска разговарав со Бан Ки-мун. Тој изрази длабока загриженост од последните настани во Ирак и од уништувањето на културни вредности од исламисти, додавајќи дека во брзо време ќе свика итна средба со членовите на СБ на ОН за проблемот, истакна Бокова.
Ирак моментално се соочува со идеолошка културна чистка, вклучително на религиозен принцип. На удар се не само христијанската и јазидската, туку и други заедници. Се уништуваат и муслимански културни вредности, нагласи раководителката на УНЕСКО.
Варварството влијае на луѓето, историјата, меморијата и културата. Целта на терористите е да се уништи се, што е својствено на човечката цивилизација, истакна францускиот претседател Франсоа Оланд пред новинарите за време на посетата на Филипините.