Шпанската полиција соопшти дека денешната антитерористичка операција во Барселона е преземена поради лажна дојава за поставена бомба.
Дел од шпанските медиуми објавија дека се уапсаени две лица.
Шпанската полиција на Твитер објави дека немало апсење и оти е нормализирана ситуацијата.
Претходно, како дел од антитерористичката операција шпанската полиција вечерва го опколи реонот околу катедрала „Саграда фамилија“, ги евакуира посетителите и ја затвори блиската метро станица.
Според полицијата операцијата беше преземена откако било забележано сомнително возило, паркирано комбе во близина на катедралата.